මිහිරි උදයක සිහින දවටා
අවදි වන විට ඇසි පියන්
සුළං ‍රැල්ලක සිහින එවනෙමි
ඔබේ ලෝකෙට වෙතට මං

කුරුළු මී මැසි ළපටි සිත් ලඟ
ජීවිතේ ඇත ඇති තරම්
එන්න දකිනට  ජීවිතේ මෙය
සුන්දරයි නොසිතෙන  තරම්

අකුරු හැඩ කොට ලියන කවියක
පද වැලක සැරි සරමි මං
ඔබේ මුවගින් ගැයෙන තාලෙක
හඬ රසට නැළවෙමි හෙමින්

සැඳෑ අහසක නිහඬ බව මැද
පාළුවක් නෑ හිතට නම්
සුළං දැල් හිත වෙලාගෙන'විත්
සිතිවිලි ද පියබයි සෙමෙන්

සරල නිසසල සිත් අහස ළඟ
සතුට නම් ඉගිළෙන තරම්
හෙමි හෙමින් දෝතින්ම ගෙන එය
බෙදා හරිනෙමි බැති සිතින්

නුරාගික නෙතු අතර නොදැවෙන
සුවඳ හදවත් සොයමි මං
සරා සඳ සේ පිවිතුරු ව ඔබ
මගේ ලෝකය දෙස බලන්

බලා ඉමි මම දවස් යන එන
ගෙවෙන හැටි ලෝකය හෙමින්
ගලා යන ජීවිතය මනරම්
නිදහස් ය අහසක් තරම්........!!!!!!