සංසාර බන්ධන

සංසාර  බන්ධන
මොහොතකින් නිමා වෙයි
කාලයක් හදවතම
ගින්නෙන් දවාලන ලද
මගේ ආත්මයේ  අවසානය

එහෙත් ,ඔබ සමග .....!

සියලු ආලිංගන නිමා වී
දහදියෙන් තෙත් වූ
නුඹේ දැස් දෙස බල සිටින විට
හඳුනා ගත්තෙමිය...

මට අයිති මගේ නොවෙන
නුඹේ දෑස් දෙස බලා අනිමිස කලෙමි මම
කොතැන හෝ යම් වැරද්දක්....!
.
මිට දිගු කාලෙකට පෙර
සංසාරයේ මුල් ඇරඹුමේ දීම
හමු වූ වෙනත්  හුරු පුරුදු දැසක්
සිහි විය මට ඒ මොහොතෙම....

මිය ගොසින් , කාලයක් ගතව ගිය ද
අන්තරා භවයෙදී පවා මම පෙම් කළ
හදවතක මතකයක්
සිහිවිය මට ඒ මොහොතෙම...

සියලු දේ හමාරව
හෙමිහෙමින් හිරු නගින විට
මිට පෙර මා ඉදිරියේ මියැද ගිය
අසිරිමත් නුඹේ දෑස් සිහිව
දෑස විවරව කඳුළු කැට
සීරුවෙන් වැටෙන්නට විය ...
අවසානයට ලංවෙමින්  තිබු සංසාරයද
යළිත් දිගු විය......!