ජීවිතයේ අන් හැමදේම අතරින්
ඇයි නුඹේ ප්රේමයට මේ තරම් අවමයක්
අවසාන වූ හිතක යළිත් අවසානයක්
දැන් ඉතින් නික්ම යන්නෙමි මමත්..!
සසරක් පුරාවට
නුඹම සොයමින්
සැරිසරන්නට
යශෝධරා නොවෙමිය මම
නෙත් අඳ ව ගිය ඉන්ද්රජාල ප්රේමයකින්
හදවතේ මුළු වියමනම බැඳ
අපාර වූ මේ සසර කතරම
නුඹ ම පතමින් සැරිසරන්නට
යශෝධරාව නොවෙමිය මම
මෙතෙක් ලද අන් හැමදේම ළඟ
හරිම වැඩියෙන් ලැබුනෙත් නුඹයි
අහිමි වී ගිය සියල්ලම ළඟ
වඩා අහිමිව ගියෙත් නුඹමයි
ලොව පැවති බොහෝ දේ
යම් තැනක නැවතුනා සේ
මෙතෙකින් නවතිමි මමත් ....!
2015-06-26
No comments:
Post a Comment